إن الناجح هو ذلك الذى يصرخ منذ ميلاده: جئت إلى العالم لأختلف معه.. لا يكف عن رفع يده فى براءة الأطفال ليحطم بها كل ظلم وكل باطل... د / مصطفى محمود

مدونة تحتوى أفكار مختلفة من شخص مختلف

الجمعة، 19 نوفمبر، 2010

الجزاء من جنس العمل، لا حرية لأعداء الحرية

تم نشر هذه التدوينة على الفيسبوك 25-5-2010
http://www.facebook.com/note.php?note_id=395534049173
الجزاء من جنس العمل، لا حرية لأعداء الحرية

خرج علينا بعض أصحاب القنوات اللى "هم" بيسموها دينية و معاهم آخرين مثل بعض "مشايخ" الجوامع اللى استغلوا خطب الجمعة الفترة اللى فاتت للكلام عن نفس الموضوع و آخرين - باكيين و معترضين على قيام فرنسا بحظر بث قناة الرحمة على أرضها

الغريب ان الناس اللى مش عاجبها حظر القناة دى هى أكثر ناس عايزة تقفل كل القنوات اللى فى الدنيا و تصادر 90 % من كتب الدنيا و تمنع الانترنت و وووو
دا غير إن بعضهم بيدعو لمقاطعة - و أحيانا إلى قتل أصحاب الديانات الأخرى
كما حدث فى نفس القناة - عندما هدد أحدهم كل يهود العالم بالقتل - مما أدى إلى صدور قرار بوقف بثها فى فرنسا

باختصار عايزين الناس مايعملوش حاجة غير الفرجة على طلعتهم" البهية" على القنوات دى أو سماع أصواتهم " النقية " فى شرايط الكاسيت اللى بيعبوها كل أسبوع

و قاموا بتنصيب نفسهم أوصياء علينا و عايزين يمنعوا كل فكر آخر عن الناس شوية لأنه حرام و شوية لأنه ضد خصصويتنا الثقافية و شوية لأنه بيدعو إلى اعمال العقل - حقيقى دى تهمة عند بعضهم- و طبعا شوية استسهال و شوية استهبال

و بالتأكيد طبعا شراء المنتجات الفالصو - من العسل اللى بيشفى كل مريض للمراوح الصينى اللى عليها خصم كبير - و اللى بيبيعوها على قنواتهم

طبعا الأفندية أصحاب القناة زعلانين من وقف بثها لأن دا معناه اعلانات أقل و فلوس أقل و خاصة لو دول أخرى أخذت نفس الخطوة

مش هو دا اللى انتم بتطالبوا به؟ المنع و الحظر و المقاطعة و وووووو
زعلانين ليه بقى؟
اشربوااااااااااااااااااااااااااااااا


النوت دا كتبته بعد ما قرأت الخبر دا
http://www.youm7.com/News.asp?NewsID=231034&

اضافة :
لا أذكر من قائل هذه الجملة - أعتقد زكى نجيب محمود :
لا تهاجم الغرب بميكروفون صنع فيه

صح جدا

محمد الخراشي
25-5-2010

ليست هناك تعليقات:

إرسال تعليق